Cerita Si Ibenayuk (Cerita Rakyat Tidung)

Berikut ini adalah salah satu Cerita Rakyat Tidung yang masih tersisa yang di tulis kembali menurut bahasa aslinya.

Nupo panday matoy (Tidak tahu mati)

1. Seritan Ibenayuk de pagun injelutung.
2. Menurut de seritan ulun tue-tue guluy sine ulun due gaka, delaki sinan denandu sinan.
3. Anu yaka bepagun de daud jadi raja.
4. Yadine anu beinggalan Ibenayuk bepagun de dalung jadi raja.
5. Jadi dagun ulun siye Ibenayuk.
6. (Jadi) Seritan gitu nupe kamad agama islam.
7. Adatne. Adat ile bagu sine ulun matey, gine nie ile beiraw betuntung de agung, sine ulun temangi giniginis kie kati anu tinuges ile.
8. Tandane gaka. Tiyep-tiyep pagun sinan gine petayan maya beiraw ulun pagun sinan gitu
9. Makew nie ile gine insapul, gine nie adat ilei nupo panday-panday matey.
10. Ulun pagun Ibenayuk gitu sabebne nupo panday matey, seritane sine taun anu beinggalan de taun tenggilan. Taun gitu jika sino ulun dualan inibit kiyo de disaw taun gine, bais nie dualanne gine. Senenggine ulun pange tue makew ye temudung de disaw taun gine membulek kie menduli, senenggine nie seritane.
11. Buyusne pagun Ibenayuk telabes idelakine makew maud dedaud melinaw, Tegine Ibenayuk makew insapul de pagun yakane de daud beiraw, sabebne sine ulun matey de pagun yakane gine.
12. Pange nie ile beiraw yegine ile ngumun muli maya de pagunne de dalung, sine nie ile de pagunne kebata. Gine nie Ibenayuk nyusub de ulun pagunne ngapen de kanen keritan
13. Jadi makew nie ulunai ngapon kalep ye de kanen keritan tupar nibit ne muli de bayan Ibenayuk.
14. Sie nie keritan. Inelungun ile nie inggilad de lungun ulun matey. Pange pie lungun gine tinuges ile. Nimpun nie ile iraw. sumpur-sumpur ile nimpun juwalep kesaboy nie ribut maya de dasam. Nupe buei buyus nie pagun ibenayuk maya de tanga. jadi kesuang ulun pagun gine sine pe ulun keturus maya de dumud seritane jadi batu.
15. Jadi sine seritane bagu buyus nie pagun gine maya dedalem timug.
16. Kedabang Ibenayuk sine pie de sawad timug intibeng maya bedindang. nupe buei muli nie idelakine intad dedaud melinaw. Kesabey ye de injelutung. Ye gine sie ketada de pagun yandunai buyus. Imbusey ye maya de tanga minjul ye intamu de kedabang intibeng maya bedindang. Yegine idelaki nai betundang minjul maya de yandu nai de dslem timug gine nie seritane
17. Sabebne penanday seritane. Sabebne penanday seritan Ibenayuk gitu, sabeb ulun padaw delaki nai nupe ngayingayi maya temundang. Muli ile bebaken de pagun yakan Ibenayuk de daud ngebala. bagu yakanai panday de yadine buyus pagune gine dedalem timug.

Seneritan oleh : Haris Fadilah